2020 жылы  ақпанның 8-і күні қазақ халқының ұлы ақыны, ойшылы, ағартушысы Абай Құнанбаевтың 175 жылдық мерейтойы аясында ұйымдастырылған Республикалық  «Жарқын болашақ» қазақ тілі олимпиадасы қалалық кезеңі өткізілді. Олимпиада Өскемен Білім-Инновация лицейінде өтті.  Аталмыш сайыстың басты мақсаты - мемлекеттік тілдің қолданылу аясын кеңейту және оны дамыту, әрі қазақ тілі мен әдебиеті пәндері бойынша ерекше дарынды оқушыларды анықтау және оларға қолдау көрсету болып табылады.
 

Сайысқа  қаланың көптеген мектеп оқушылары қатысып, білімдерін сынады. Олимпиадаға біздің мектеп-гимназиямыздан  «Әнші-бұлбұлдар» және «Сөз шеберлері» аталымына қатысып, бақтарын сынады. «Сөз шебері» аталымы бойынша 8 «А» сынып оқушысы Рамазанова Земфира қатысып, сертификатқа ие болды. «Әнші-бұлбұлдар» аталымы бойынша 10 «А» сынып оқушысы Ким Яна өз өнерін көрсетіп, ІІІ орынды иеленді. «Бейнелеушілер» аталымы бойынша 7 «Б» сынып оқушысы Скуратова Софья, қазақ халқының батырлар жырынан үзіндіні оқып, сол сурет бойынша карикатура салып, қатысқаны үшін  сертификат алды. Жеңімпаздарды құттықтаймыз!